Уьчлер

Къумукъ емакъларда кёбюсю гьалда уьч къардашны, яда уьч ини-агъаланы келпетлери суратлана.

Юз суаллы Маликаны хабарында къыз алимге:

– Адам нече зат булан таныла? – деп сорай.

Алим де:

– Уьч ерде танылар, – деген, – сапаргъа чыкъгъанда – бир, сатыв-алывну арасында – эки, хоншулукъда – уьч, – деп жаваплангъан.

Къыз дагъы да:

– Уьч зат затсыз гьеч бола. Шолар нелердир? – деп сорагъан.

Алим де:

– Арив гишини гъакъылы болмаса гьечдир. Алим гишини амалы болмаса – гьечдир. Бай гишини намартлыгъы болмаса – гьечдир, – деп жавап берген.

Дагъыстан Къумукъну пачалыкъ байрагъы уьч тюслюдюр: яшыл, гёк, къызыл.

Айталар:

Бир авлия уьч гъакъыллы ашайгъан чакъы ашны ашар.

Бир талайсызгъа тюшген бир намусну кютгенче дагъы да авур аваралар болагъанына гёре «Уьстевюне уьч къалач» дейлер.

Биревню уьчев булан ябушма гючю чатмас^✻.

Уьчден сонг болар дёрт. Дёртлени де сырларын да билмей туруп неге ял алабыз, билегенлерден де неге артды къалабыз?