Авурлукъ
Бу оюнда бири муалим, бириси муталим болуп ойнап бола. Муталим – охувчу яш.
Авур буса гётерме,
не тарыкъдыр гюченме
Тек, билмей бусанг яман
гьар нени де оьлчеме.
– Авур авур
не авур?
– Гючюнг чатмас
иш авур.
– Буса да чы
бир затлар
болар енгил.
– Бир затлар чы
болар авур.
– Гьар нени де
оьлчеп бил!
– Башгъаланы
билмеймен.
– Оьзюм чю мен
тирелмен.
– Буса жавап
бер магъа
Килогъа да
етишмей.
Граммдан да
артыкъ дей.
Шогъар бизде не дей?
– Шо чу хари йилевке.
– Йилевкени авуру.
Нече граммдыр айт чы!
– 1 йилевке –
384 граммдыр,
Шону билмес ашгьарамдыр.
(1 йилевке = 384 гр. яда 400 гр.)
– «Гъай батманбаш,
батманбаш» –
Дей бола биревлер.
Батман✻ недир, баш недир?
– Базыкъ башдыр
– батманбаш.
Батман буса оьлчевдюр.
– 1 батмандыр –
6 йилевке.
(1 йилевке = 384 гр.)
– Бир драмм?
– 2.942 грамм.
(1 драмм = 2.942 гр).
– Гётереген
– тюгюл пут (лукъ)
Нече йилевке
1 пут?
– Шо бир пут –
– 40 йилевке.
– Бир пут болар
– нече кило?
– Бир пут бола
– 16 кило.
(1 пут = 16 кило (кг) яда 40 йилевке.)
– Путну билдинг,
Фунт нечедир?
– 1 фунт болар
0.409 кило
(I фунт = 0,409 кг.)
1 пинт болар?
– 0.568 грам.
(1 пинт = 0,568 гр.)
– Дёрт пинт буса?
– 2.272 грамм.
4 x 0.568 = 2.272 гр.
1 Мысгъал?✻
– 1 Мысгъал 4.265 грам.
(1 мысгъал = 4.265 гр.)
– Уьч мысгъал?
– 12.797 грам.
(3 мысгъал = 12.797 гр.)
– Бир пай болар.✻
– 44.435 миллиграм уьлюш
– Лот?✻
– 1 лот болар 3 мысгъал.
3 мысгъал да
12.797 грам.
– Бир унций?✻
– 29.86 грам
(1 унций = 29.86 гр.)
– 1 стоун?
– 6.36 килогъа
ювукъ авурлукъ.
(I стоун = 6.36 кг.)
– Бир карат?✻
– 0.2 грам.
(1 карат = 0.2 гр.)
– Сантиграм?
– Граммны юзден бири.
– Буса айт чы
сен улан.
Ашлыкъ оьлчер
не булан?
– Сабулап да,
сагьлап да,
Килолап да
пудлап да,
Центнерлеп де,
тонлап да.|
Сабу✻ недир,
сагь недир?
– Сып-сылама
1 сагь✻
Болар сагъа
8 кило.
(1 сагь = 8 кг.)
– Сабуну чу
билмейсен?
– Бир сабудур
4 сагь, яда 32 кило.
1 лот = 3 мысгъал
= 12.797
яда буса 2 пут.
1 пут?
16 кило.
(1 пут = 16 кг.)
– Бир кило?
– 1 килодур 1000 грам.
(1 кг = 1000 гр.)
– 100 кило?
– 100 килодур 1 центнер. (100 кг = 1 ц.)
– 1000 кило?
– Болар шо да 10 центнер яда буса 1 тонна. (1000 кг. = 10 ц. = 1 тонна.) –
Тонум да ёкъ гиймеге.
Боюм да ёкъ гётерме
Тек герекмен шу тузкъапны✻
Сувтирменге элтмеге.
(Энкейип къапны гётереген
бола)
Огъ, не авурдур!
– Дорба тюгюл, бу – тузкъап.
Къагъып алып гётерме.
Билмей бусанг оьлчеме,
Не тарыкъдыр гюченме.
Гелейикми кёмекге
Къоллашып✻ гётермеге?
Сувтирменге элтмеге.
– 1 туз?
– 1 туз – бир пуд ну 5 пайыдыр.
– 1 къантар?
– 1 къантар – болар 44.928 гр.
– 1 золотник?
– 1 золотник 4.226 гр.
– Увуч – къолну ичи (аясы) – орусча «горсть».
– Юмурукъ – къолну бармакъларын къысгъанда амалгъа гелеген (токъмалы).
– Элик – (узунлукъ оьлчевю) имам бармакъны гергендеги баш бармакъгъа ерлиги аралыгъы.
– Сюем – баш бармакъдан чиначай бармакъгъа ерлиги аралыкъ.
– Къари – (орусча «локоть» – ярым метр – 0.5 метр), билекни тирсеги.