Ne zat neçik ölçene
Yaşlağa yaşawda har abatda yimik bek tarıqlı bolağan türlü ölçewleni yaxşı bilmek uçun öztöreçe oyunlar.
Yaşxanalarda, yaşlar bawlarında, oxuwxanada darslada da yaşlanı biri mualim, birisi oxuwçu yaş bolup, sorawlar berip, yaşlar alışınıp cawaplar qaytarıp oynamaq uçun.
Mal bahası – aqçadır Saqlanar yer – boqçadır
Aqça:
Mualim:
– Yaşlar ariw qarağız, Bile bolma yaraysız. Qoluma men tutğanım. Temir aqça – 5 kepek. Neçe şayı beş kepek?
Mutalim:
– 5 kepekdir – 1 şayı. (5 kepek – 1 şayı).
Mualim:
– Busa yaxşı ayt hali! Neçe şayı 10 kepek?
Mutalim:
– 2 şayı – 10 kepek. (2 şayı – 10 kepek)
Mualim:
– Bir appası – Appası. Neçe şayı Appası?
Mutalim:
– 1 appası – 4 şayı. (1 appası – 4 şayı, 20 kepek)
Mualim:
– Aq aqçadır appası. Neçe kepek appası?
Mutalim:
– Kepeklerden – Yigirma. (– I appası = 20 kepek).
Mualim:
– Beş appası men bersem. Neçe kepek sen bilseñ?
Mutalim:
– Şo çu xari – 100 kepek. Yada bolar – 1 manat. Kisemde yoq Bir kepek. (5 appası = 100 kepek = 1 manat.)
Mualim:
– Harakatğa – bereket! Bolsun uçun hayın et!
Mutalim:
– Şonu da men bilemen, Heç birewge tilemen. Yerden kepek tapsam da. Başlağanman boş boqçama tıqmağa.
Mualim:
– Hay maşalla, ma şaa Llah! Barlı✻ bolğun Ya Allağ! Dağı da men sorayım. Bilemisen – qarayım. Börk bağası – bir tümen. Neçe manat bir tümen?
Mutalim:
1 tümendir – 10 manat. (10 manat = 1 tümen)
Mualim:
– Gölek süyseñ almağa, Berme tüşer on tümen. Neçe manat – on tümen?
Mutalim:
100 manatdır – 10 tümen. (100 manat = 10 tümen.)
Mualim:
– Mal bağası? _Mutalim:_ – aqçadır.
Mualim:
– Saqlar yeri? _Mutalim:_ – Boqçadır! Şolay etmes – çoçqadır✻.
Yaşlar şatlanıp xars uralar añlatıwlar berip, maqtawlu sözler ayta.