Üçler
Qumuq yemaqlarda köbüsü halda üç qardaşnı, yada üç ini-ağalanı kelpetleri suratlana.
Yüz suallı Malikanı xabarında qız alimge:
– Adam neçe zat bulan tanıla? – dep soray.
Alim de:
– Üç yerde tanılar, – degen, – saparğa çıqğanda – bir, satıw-alıwnu arasında – eki, xonşuluqda – üç, – dep cawaplanğan.
Qız dağı da:
– Üç zat zatsız heç bola. Şolar nelerdir? – dep sorağan.
Alim de:
– Ariw gişini ğaqılı bolmasa heçdir. Alim gişini amalı bolmasa – heçdir. Bay gişini namartlığı bolmasa – heçdir, – dep cawap bergen.
Dağıstan Qumuqnu paçalıq bayrağı üç tüslüdür: yaşıl, gök, qızıl.
Aytalar:
Bir awliya üç ğaqıllı aşayğan çaqı aşnı aşar.
Bir talaysızğa tüşgen bir namusnu kütgençe dağı da awur awaralar bolağanına göre «Üstewüne üç qalaç» deyler.
Birewnü üçew bulan yabuşma güçü çatmas✻.
Üçden soñ bolar dört. Dörtleni de sırların da bilmey turup nege yal alabız, bilegenlerden de nege artdı qalabız?