Birler
Bir – birdir! – dep san etmey qoymağız! Yaşawda barı da zat birden başlana.
Bir busa da pir✻ bolsun! – dep de aytalar.
Yaxşı yaşlar bir minutun da boş yibermes! – dep de bilmey aytılmağan.
Birlege baylawlu dağı da şulay bir neçe aytıwlağa da tergew bereyik:
Birewnü yamanı miñewge✻ tiyer.
Birew-birewge darman da dür, ağu da✻.
Yırçığa tarıq bir saz✻ da, bir söz de.
Baʼli baylıq – bir aylıq.
Birewnü kim ekenin bilme süyseñ, onu üyürleri✻ kimler ekenni başlap bil.
Yada:
Bir xapğan bulan börü de toymas, dağı xapmağa qoyçu da qoymas.
Bir qoyar, eki qoyar, haman qoyuw bolamı?
Birlege bayram, birlege hayran✻.
Awliya bir işni eki eter, şonu da yartı eter.
Xalq sınawlarında dağı da bulay aytıla:
Güzde bir sahatnı içinde qar da, yañur da yawma bola.
Maysanda bir yawsa – baysan, eki yawsa – ğoğoysan, üç yawsa – urusbaysan✻.
Dünya alamnı, adamlanı, haywan-malnı, can-canıwarnı, barı da zatnı yaratğan bir Allahdır.
Mahammat payxammar, sal Allahu allayhi wa salam da, birdir.
Kökden Mahammat payxammarğa, allayhi salatu wa ssalam, tüşgen Quran da birdir.
Busurmanlar haj qılma barağan Allahnı sıylı üyü Kaaba da birdir.
Birden ekini taydırsa, neçe qalar? – dep sorağanda:
– Sıfır! – degen bir yaş. O tüz aytğanmı? (Birden eki de qolay.)
– Tügülmü dağı şolay? (Mualim añlatıw berip söyley), – dür busa, geligiz «ekiler» bulan da tanış bolayıq. Ekileni sırların da başlarıbızğa quyayıq!