TİLEWLER
Yaw, yaw! Yawlu qalaç berirmen! Quy, quy! Quymaq qalaç berirmen! Yaw, yaw! Quy, quy!
⁂
Yaw-yaw, yaw-yaw! Qattı xamur basaman, Yawlu ekmek etemen, Yaşlağa üleşemen, Yaw-yaw, yaw-yaw!
⁂
Yañur, yaw! Yañur, yaw! İssi pilaw, Sari yaw!
⁂
Gün, çıq, gün, çıq! Ariw qızıñ alıp çıq, Erşi qızıñ Eşik artğa salıp çıq!
⁂
Ögüz arba tuwarılğanda yaşlar, şonu arışlarına da minip, arbanı çüyelegeninden kep alıp, bulay ayta bolğan:
Çüy-çüy, arba, çüy, arba, Çüyelip getsin bu arba, Duşmanlağa ot tüşsün, Bizge buday köp tüşsün!
⁂
Maydan yerde ot da yağıp, yaşlar şat awazlar bulan otnu dört de yağından aylana turup:
Mağa gelme, şaytanğa bar, Şaytannı köp malı bar, Şaytan sağa aş berir, Başıña urma taş berir! —
dep aytıp, tütün gelegen yaqdan qaçıp, yoq yaqğa çığa bolhanlar.
⁂
Yaşlar yuwaçanı qolunu üstüne salıp, uçurup, bulay aytalar:
Yuwaça, yuwaça, Duşmanlar qayda qaça?
Yuwaça qaysı yaqğa uçsa, duşmanlar, sayki, o yaqğa kaça dep, inana bolğanlar.
⁂
Miyamanı uyasından çığarmak uçun yaşlar bulay ayta bolğan:
Çıq, çıq, miyama! Atañ ölse, yılama! Qara ağaçda qara baytal soyğanman, Qanın sağa qoyğanman, Çıq, çıq, miyama!
⁂
Qızlar özende kirinegende, qolların tutup, dögerek bolup turup, şu sarınnı aytıp, suwğa çomula bolğanlar:
Suw çelek, suw çelek Suwnu içinde göbelek Gebelekni tutayıq, Suw çelekge atayıq!
⁂
Kirinip, suwdan çıqğanda suw opuraqların günge tutup, tez quruğannı bulay aytalar:
Meniki tez qurusun, Şaytannıki çirisin!
⁂
Qayırnı içine bir qolun sutʼup, birisi qolu bulan onu üstünden ura turup, bulay ayta bolğanlar:
Köpür bol, köpür bol, Köpür bol, köpür bol, Aş da, bişlaq da berermen, Köpür bol!
⁂
Top etegen küy
Aldın toplar az zamanda yaşlar yazbaşda haywannı tügü tögülegen waqtide tügün alıp, ayasına salıp, şulay ayta turup, işıp, top ete bolğan:
Qalaman, qalaman, Qattı bolaman! Qara sıyırnı sütün alaman, Sari sıyırnı mayın alaman, Qattı bol, Qattı bolğur qalaman!
⁂
Qarlığaçnı tilinden
Zaldi, zaldi, Zalini maldi, Ğançi batır, Xunsa batır, Kebiş, quwuş, Molla quwuş, T-ti qi-i-ç…
⁂