UŞANIWLAR
Balam, balam, balası, Baldan tolğan xabası, Sütden tolğan çelegi, Anasını geregi!
⁂
Yaşım, yaşım, yaşasın, Yawlu ekmekler aşasın!
⁂
Çığıq mañalay, Çuñur göz, Çüy burun, Çümek awuz!
⁂
Qızım, qızım, qız tana, Qızıma gelsin yüz tana, Yüzewü de aq tana, Meni qızım maqtana!
⁂
Balam balqıy bal ala, Bal ala bola bala, Balawuz sıtıp bala, Balnı awzuna sala.
⁂
Qızım, qızım qızalaq, Qızımnı beti yolaq. Qızımnı başın tarama Qaydan alayım taraq.
⁂
Meni qızım haydalaq, Har-bir sanı qarday aq, Bazardağı tobalaq, Yerdegi yaw mannalaq!
⁂
Qızım, qızım, qız altın, Qızıma gelsin yüz altın! Yüz altınlır berseñ de, bermeymen, Meni qızım miñ altın!
⁂
Qızım, qızım, qız ala, Qısıp qoyğan qar xola. Taqçağa salar edim, Tüşüp getse, uwala, Sandıqğa salar edim, Meni görmey qıynala.
⁂
Qızım, qızım qız ala, Qızımnı çaçı uzala, Qızım erge bara dep, Awul-xonşu quwana!
⁂
Duğur-duğur, dañ bolsun, Meni ulanım geçeler oynap, tañ bolsun, Anası izley turup, mañ bolsun!
⁂
Tirin-tirin, tirin yaş, Tirmen suwda kirin, yaş, Çorğalardan aqma, yaş. Erişi qızğa baqma, yaş!
⁂
Tirin-tirin, tirin qız, Tirmen suwda kirin, qız, Çorğalardan aqma, qız, Erşi ulanğa baqma, qız!
⁂
Ulanım ullu bolsun, Kirinme kawğa barsın, Oxuma tawğa barsın, Tawlu qızlanı süysün, Kawlu qızlanı alsın!
⁂
Meni yaşım tawğa barsın, Kirinmege kawğa barsın, Anasına es geltirsin, Özüne giççi dos geltirsin!
⁂
Meni yaşım giççi edi, Köstek şahar içinde, Qap-qara, qara qaşlı, Meni bulan bir yaşlı!
⁂
Meni yaşım yaynasın, Özü süygen yaşlar bulan Yaşıl otlarda oynasın! Süymegenin qırıyına Gelmege de qoymasın. Meni ulanım ullu bolsun, Ullu yurtlarda alim bolsun!
⁂
Munda tari tögülgen, Onu ciçiw aşağan, Aşay turup, geç qalğan, Balaları aç qalğan, «Pır-r» dep uçğan da getgen, Tez balalarına yetgen.
⁂
Baw bar eken, baw bar eken, Bawnu içinde kaw bar eken, Kawnu içinde Bu (baş barmağıñ) ördekdir, Bu (imam barmağıñ) tutğan, Bu (orta barmağıñ) yulqğan, Bu (yan barmağıñ) bişirgen, Bu (cenekey barmağıñ) tüşürgen, Bu (awzuñ) «ham-ham» etip aşağan, Bu tamağıñ yutup qoyğan, Bu giççi qursağıñ toyğan!
⁂
Baş barmaq, Balalı ördek, Ebey, sebey, Giççinew bebey!
⁂
Baş barmaq: — Tur-turuğuz, turuğuz! İmam barmaq: — Turup, qayda barayıq? Orta barmaq: — At urlama barayıq! Yan barmaq: — At urlasa, günahdır! Cenekey barmak: Günahı meni boynuma!
⁂
Kan-kankiçiw, kankiçiw, Cuwğa barğan kankiçiw. Suwdan qaytıp gelgende Ulay turğan kankiçiw, Bulay turğan kankiçiw, Biyip alğan kankiçiw!
⁂
Aya, aya, ayası, Qaçan tiyer paydası? Yaz tiymese, qış tiyer Bu qızımnı paydası.
⁂
Meni qızım qızalay, Barı da qızlardan qolay!
⁂
Meni yaşım dalgine, Biyime tura haligine! Atları bar aranda, Qozalağı hamarda, Bawğa yegip barsa edi eken, Qıznı ariwün alsa edi eken!
⁂
Tari, tari, tari yaşım, Samayları sari yaşım, Sari busa, boyarbız, Qatın alıp qoyarbız.
⁂
Artına-artına uruğuz, Qoluna papay berigiz, Oynama yiberigiz, Çaqırıp geltirigiz, Toqalap öltürügüz!
⁂
Ananı yaşı, talğırı, Anasına qalğırı, Talada biçen çalğırı!
⁂
Atılsın, atılsın, Balçıqlağa batılsın! Xan daraylar giymesin, Xansarayğa girmesin, Xan bolmasın — xas bolsun, Asgerlege baş bolsun, At belinde oynayğan, Ata-anası quwnayğan, Xalq süyegen yaş bolsun!
⁂
Xorasanım, Xorasan, Bulay qayda barasan? Kimni qızın alarsan? Kimge giyew bolarsan?
⁂
Çubuq sın, çubuq sın, Çum qaliden ilinsin! Çum qaqaylar geltirsin, Torbaların toltursun, Anası çumun aşasın, Yaşı yüz yıl yaşasın!
⁂
İjaşını altını, İjaşını alması, Yerlege salması! Hay, tursun, hay, tursun! Agilarından yürüsün, Uzun xınjallar taqsın! Har yerde sıylı bolup, Anasın süyündürsün! Hay, tursun, hay,
⁂
Dik-dik, dikana, İtni başın kim ala? Gogan terek, gök alma, Köp yaşasın şu bala!
⁂
Harsinçegim, haylegim, Alaşa daray gölegim! Qardaşımnı toyunda, Bir biyimey ölmeyim! Has—has—has—has, Quyruq salıp, qazan as, Quyruğun bişew aşasın, Yaşım yüz yıl yaşasın!
⁂
Anasını balası, Bal quyağan xabası, Xants quyağan asarı, Arba tüpde de yatıp, Qızlağa göz qısarı!
⁂
Atıla-atıla as yimik, Gözleri almas yimik! Hal salırsan qızlağa, Ulanlar almas yimik.
⁂
Altın köpürnü üstünde At oynatsın şu yaşım, Altın töşekni üstünde Qız oynatsın şu yaşım!
⁂
Meni yaşım — yaxşı yaş, Duşmanlağa qarşı yaş! Hara-bara dep yibersem, Qışğa kokan geltirir, Qıyşıq gözlü turnanı, Urup, yaşım öltürür, Arqasına da göterip, Anasına geltirir! Aş qıyıwlu çiş börkü, Asil qumuq atası. Yaxşı qatın anası! Yaşimni süymegenlege Tiyip qalsın alası!
⁂
Tut-tur,yaşım, tur,yaşım, Tülkü tonuñ giy, yaşım! Seni uçun tügülmü Barı da etgen aşım?
Meni yaşım yaş bolsun, Asgerge baş bolsun! Asgerden qaytğanda Qızlağa yoldaş bolsun! Meni yaşım harlağa, Giyew bolsun barlağa, Girsin aq qalalağa, Minsin aq «Wolgalağa», Tana, buzaw talğırı, Anasına qalљırı!